Նկարագրություն

«Հպում», ակրիլ թղթի վրա, հեղինակ՝ Մերի Խաչիկյան

Ակրիլ թղթի վրա։

Ավետարան ըստ Մարկոսի գլ․ Ե, 25–34։

Եվ մի կին, որ տասներկու տարուց ի վեր արյունահոսություն ուներ, շատ բժիշկների ձեռքին մեծ տանջանքներ էր քաշել, իր ամբողջ ունեցվածքը ծախսել էր և ոչ մի օգուտ չէր տեսել, այլ հիվանդությունն ավելի էր սաստկացել։ Երբ Հիսուսի մասին լսեց, ամբոխի մեջ հետևից մոտեցավ ու դիպավ նրա հագուստին, որովհետև ասում էր. «Եթե միայն նրա հագուստներին դիպչեմ, կփրկվեմ»։ Եվ իսկույն նրա արյան աղբյուրը ցամաքեց, ու նա իր մարմնում զգաց, որ բժշկվեց այդ չարչարանքից։ Եվ Հիսուսն իսկույն իրենում զգաց այն զորությունը, որ իրենից դուրս ելավ. ամբոխի մեջ հետ դարձավ ու ասաց. «Ո՞վ դիպավ իմ հագուստներին»։ Նրա աշակերտներն ասացին նրան. «Տեսնում ես, որ ամբոխը քեզ նեղում է, ու ասում ես՝ ո՞վ դիպավ ինձ»։ Եվ նա չորս կողմն էր նայում, որ տեսնի այդ անողին։ Իսկ կինը, վախենալով ու դողալով, քանի որ գիտեր, թե իրեն ինչ պատահեց, եկավ, ընկավ նրա առաջ և ամբողջ ճշմարտությունն ասաց նրան։ Եվ Հիսուսն ասաց նրան. «Դո՛ւստր, քո հավատը քեզ փրկեց. գնա՛ խաղաղությամբ և առո՛ղջ եղիր քո այդ հիվանդությունից»։