Նկարագրություն

«Էտյուդ Երևանում», հեղինակ՝ Վարազդատ Բարսեղյան

Յուղանկար / ֆաներա։

Արվեստագետի մասին

Վարազդատ Բարսեղյանը ծնվել է 1992թ-ի հունվարի 31-ին Շիրակի մարզի Արևշատ գյուղում։ Սկսել է նկարել 4 տարեկանից՝ իր համար ալբոմ ծառայեցնելով տան պատերը։

1999 թ. սկսել է հաճախել գյուղի միջնակարգ դպրոցը։ 5-րդ դասարանում ընդունվում է Արթիկ քաղաքի մանկական գեղարվեստի դպրոցը։ 2009 թ. այն ավարտում է գերազանց՝ նկարչի մասնագիտությամբ, ավարտելով նաև գյուղի դպրոցը, նույն թվականին ընդունվում է ք. Երևանի Փանոս Թերլեմեզյանի անվան գեղարվեստի քոլեջ։

2010 թ. զորակոչվում է հայկակական բանակ, 2012 թ. ծառայությունը ավարտելով շարունակում է ուսումը։ Քոլեջը չի ավարտում մոր մահվանից հետո։

Մանկուց տանել չի կարողացել անարդարությունը, միշտ եղել է սովորող և օրինակելի։ Մեծ տեղ է տալիս ազգային երգ-երաժշտությանը, սիրում է պոեզիա, իր ամեն քայլը նոր բանի ձգտում է, կատարելության որևէ աստիճանի ճանապարհ, քանդակում է, գրում, կահույք պատրաստում, զբաղվում է հողագործությամբ, բնությունը սիրում է այնպես, ասես կրում է իր մեջ։

Ստեղծագործ մարդ է, 2016 թ․ սկսել է իր կնոջ՝ Սոսեի Սոսեի հետ համատեղ պատրաստել ձեռագործ զարդեր մետաղալարերից։

Հայրենասիրությունը ի ծնե եղել է իր մեջ, մի՛շտ սիրել է հայրենիքը, իր ժողովրդին, պատմությունը։ 2020 թ. կամավորագրվել է և մեկնել Արցախ՝ առաջնագծում անմնացորդ պաշտպանելու իր հայրենքը։